[36] นทสฺสเนน ปหาตพฺพเหตุกํ นกุสลํ ธมฺมํ ปจฺจยา เนวทสฺสเนน นภาวนาย ปหาตพฺพเหตุโก กุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นทสฺสเนน ปหาตพฺพเหตุกํ นอกุสลํ ธมฺมํ ปจฺจยา ทสฺสเนน ปหาตพฺพเหตุโก อกุสโล ธมฺโม อุปฺปชฺชติ เหตุปจฺจยา… เหตุยา ฉฯ

นเนวทสฺสเนน นภาวนาย ปหาตพฺพเหตุกํ นอพฺยากตํ ธมฺมํ ปฏิจฺจ เนวทสฺสเนน นภาวนาย ปหาตพฺพเหตุโก อพฺยากโต ธมฺโม อุปฺปชฺชติ เหตุปจฺจยา… เหตุยา ฉฯ

10-1. อาจยคามิตฺติก-กุสลตฺติกํ

[37] นอาจยคามิํ นกุสลํ ธมฺมํ ปจฺจยา อาจยคามี กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นอาจยคามิํ นอกุสลํ ธมฺมํ ปจฺจยา อาจยคามี อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นอาจยคามิํ นอพฺยากตํ ธมฺมํ ปฏิจฺจ เนวาจยคามินาปจยคามี อพฺยากโต ธมฺโม อุปฺปชฺชติ เหตุปจฺจยา… เหตุยา ปญฺจฯ

11-1. เสกฺขตฺติก-กุสลตฺติกํ

[38] นเสกฺขํ นกุสลํ ธมฺมํ ปจฺจยา เสกฺโข กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นเสกฺขํ นอกุสลํ ธมฺมํ ปจฺจยา เนวเสกฺขนาเสกฺโข อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นเสกฺขํ นอพฺยากตํ ธมฺมํ ปฏิจฺจ เนวเสกฺขนาเสกฺโข อพฺยากโต ธมฺโม อุปฺปชฺชติ เหตุปจฺจยา… เหตุยา ปญฺจฯ

12-1. ปริตฺตตฺติก-กุสลตฺติกํ

[39] นมหคฺคตํ นกุสลํ ธมฺมํ ปจฺจยา มหคฺคโต กุสโล ธมฺโม อุปฺปชฺชติ เหตุปจฺจยา… เหตุยา นวฯ

นมหคฺคตํ นอกุสลํ ธมฺมํ ปจฺจยา ปริตฺโต อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นปริตฺตํ นอพฺยากตํ ธมฺมํ ปฏิจฺจ ปริตฺโต อพฺยากโต ธมฺโม อุปฺปชฺชติ เหตุปจฺจยา… เหตุยา ฉฯ

13-1. ปริตฺตารมฺมณตฺติก-กุสลตฺติกํ

[40] นปริตฺตารมฺมณํ นกุสลํ ธมฺมํ ปจฺจยา ปริตฺตารมฺมโณ กุสโล ธมฺโม อุปฺปชฺชติ เหตุปจฺจยา… เหตุยา เอกวีสฯ

นปริตฺตารมฺมณํ นอกุสลํ ธมฺมํ ปจฺจยา ปริตฺตารมฺมโณ อกุสโล ธมฺโม อุปฺปชฺชติ เหตุปจฺจยา… เหตุยา จุทฺทสฯ

นปริตฺตารมฺมโณ นอพฺยากโต ธมฺโม ปริตฺตารมฺมณสฺส อพฺยากตสฺส ธมฺมสฺส อารมฺมณปจฺจเยน ปจฺจโยฯ (สํขิตฺตํฯ)… อารมฺมเณ เอกวีสฯ

14-1. หีนตฺติก-กุสลตฺติกํ

[41] นหีนํ นกุสลํ ธมฺมํ ปจฺจยา มชฺฌิโม กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นหีนํ นอกุสลํ ธมฺมํ ปจฺจยา หีโน อกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

นหีนํ นอพฺยากตํ ธมฺมํ ปฏิจฺจ มชฺฌิโม อพฺยากโต ธมฺโม อุปฺปชฺชติ เหตุปจฺจยา… เหตุยา ฉฯ

15-1. มิจฺฉตฺตนิยตตฺติก-กุสลตฺติกํ

[42] นมิจฺฉตฺตนิยตํ นกุสลํ ธมฺมํ ปจฺจยา สมฺมตฺตนิยโต กุสโล ธมฺโม อุปฺปชฺชติ เหตุปจฺจยา… เหตุยา ฉฯ

นมิจฺฉตฺตนิยตํ นอกุสลํ ธมฺมํ ปจฺจยา มิจฺฉตฺตนิยโต อกุสโล ธมฺโม อุปฺปชฺชติ เหตุปจฺจยา… เหตุยา ฉฯ

นมิจฺฉตฺตนิยตํ นอพฺยากตํ ธมฺมํ ปฏิจฺจ อนิยโต อพฺยากโต ธมฺโม อุปฺปชฺชติ เหตุปจฺจยา… เหตุยา ฉฯ

16-1. มคฺคารมฺมณตฺติก-กุสลตฺติกํ